Aitor Ugarte

Aitor Ugarte
Aitor Ugarte 2020ko eskolarteko txapela jazten
Bizitza
Jaiotza	Aramaio, 2002 (21/22 urte)
Herrialdea	Araba, Euskal Herria
Hezkuntza
Hizkuntzak	euskara gaztelania
Jarduerak
Jarduerak	mountain runner ^(en) eta bertsolaria

Aitor Ugarte Eriz (Aramaio, Araba, 2002) mendi lasterkaria eta bertsolaria da. Xabi Igoa bertsolariaren anaia da.

Biografia

2018an eta 2020an Arabako Eskolarteko bertsolari txapelduna izan zen^[1].

Mendi lasterketetan palmares bikaina osatzen ari da. 2016 urtean kadete mailako Euskal Herriko Kopa irabazi zuen (bertikalean eta sailkapen orokorra). Mendiko eskiko euskal selekzioan ere sartu zen^[2]. 2019an urte bikaina osatu zuen, kilometro bertikaleko kadete mailako Espainiako Kopa irabazi ondoren^[3] mendi lasterketetako Munduko txapelduna izan zen. Italian jokatu zen txapelketa eta kilometro bertikalean eta lineakoan bietan bigarren izan bazen ere sailkapen orokorrean txapela eskuratu zuen^[4].

2020an Espainiako kilometro bertikaleko txapelduna izan zen^[5] eta 2022an bigarrenez eskuratu zuen txapela^[6].

Palmaresa

Mendi lasterketak

Munduko txapelketa (1): 2019, sailkapen orokorra
Espainiako Kopa (1): 2019, kilometro bertikala
Espainiako kilometro bertikaleko txapelketa (2): 2020, 2022

Bertsolaritza

Arabako Eskolarteko Bertsolari Txapelketa:
- Txapelduna (2): 2018, 2020
- Bigarrena (2): 2017, 2019
Bertxoko sariketa (1): 2017

Erreferentziak

↑ «Aitor Ugarterentzat Arabako Eskolarteko Txapelketa - Aramaio» Goiena.eus (Noiz kontsultatua: 2020-02-27).
↑ «Aitor Ugarte: "Teknika barik ez zoaz inora mendiko eskian" - Aramaio» Goiena.eus (Noiz kontsultatua: 2020-02-27).
↑ «Aitor Ugarte, Espainiako txapeldun eta Munduko Kopara - Aramaio» Goiena.eus (Noiz kontsultatua: 2020-02-27).
↑ «Aitor Ugarte aramaioarra, munduko txapeldun mendiko lasterketan - Debagoiena» Goiena.eus (Noiz kontsultatua: 2020-02-27).
↑ «Aitor Ugarte, Espainiako txapeldun kilometro bertikalean - Aramaio» Goiena.eus (Noiz kontsultatua: 2023-01-04).
↑ «Espainiako kilometro bertikaleko txapelketa irabazi du Aitor Ugartek - Aramaio» Goiena.eus (Noiz kontsultatua: 2023-01-04).