Club de Remo Santander

Club de Remo Santander
Sorrera	1971
Herria	Santander, Kantabria
Lehendakaria	Ángel Obregón Sierra
Entrenatzailea	Roberto Pérez Rovira
Patroia(k)	?
Kolorea(k)	gorria eta zuria
Trainerua	Club de Remo Santander
Palmaresa	0 Kontxako Bandera 0 TKE Liga 0 Espainiako Txapelketa 1 Kantabriako Txapelketa
2023: Kontxa	ez
2023: Liga	ez
Webgunea	www.facebook.com

Club de Remo Santander Santander hiriko arraun taldeetako bat da, azken urteetan Ciudad de Santander taldearen itzalean egon dena.

Uniformea

Santanderko hiriaren koloreak ditu, zuria eta gorria, berdin kamisetan zein trainerutan.

Historia

Elkartea 1971 urtean sortu zen eta berehala jaso zituen emaitzarik onenak, izan ere 1972an Kantabriako txapeldun izanez Kontxako Banderan eta Espainiako Txapelketan parte hartzeko aukera izan baitzuen. Kontxan hirugarren egin zuen (bigarren jardunaldia irabaziz) eta Espainiako Txapelketan bosgarren. 1975an hiru estropada jokatu ondoren bapatean trainerua alde batera utzi zuen.

Ciudad de Santanderrek 90. hamarkadan bigarren ontzia atera ahal izateko bere izena eta koloreak erabili izan zituen hala trainerillatan nola bateletan.

36 urteren ondoren Club de Remo Santanderrek 2011n berriro atera zuen trainerua. 2012an eta 2013an KAE 2 Ligan aritu zen baina 2014an ez zuen trainerua osatzerik lortu eta ordutik txalupa txikitan baino ez da aritu.